Tre turistë çekë janë bllokuar të dielën në veri të Shqipërisë, përkatësisht në zonën mes Thethit dhe Valbonës.
Terreni i vështirë e ka bërë të pamundur lëvizjen e tyre, andaj është kërkuar ndihmë, raportoi “TCH”.
Drejt vendit të ngjarjes janë nisur forcat e policisë dhe ekipi mjekësor, ndërkohë që është kërkuar ndërhyrja nga ajri me helikopter.
“Rreth orës 10:07, në kufirin mes Thethit dhe Valbonës, tre turistë çekë duke eksploruar zonën, për shkak të terrenit të thepisur, janë bllokuar. Menjëherë pas marrjes së njoftimit, shërbimet e Policisë të Komisariatit Tropojë, së bashku me ekipin mjekësor, janë nisur në drejtim të zonës ku dyshohet se janë bllokuar turistët. Për shkak të terrenit të vështirë dhe të largësisë së turistëve nga zona që mund të përshkohet me automjet, është kërkuar ndërhyrja e helikopterit, me qëllim ofrimin e ndihmës turistëve”, thuhet në njoftimin e policisë në Shqipëri.
© KOHA. Të gjitha të drejtat janë të rezervuara.
