Kronikë

Ndalohet një furgon i mbushur me shtetas të huaj

Njësia për Kontroll të Autostradave e Policisë së Kosovës ka zbuluar dhjetëra shtetas të huaj të fshehur në një furgon.

Policia ka njoftuar se gjatë realizimit të detyrave, të enjten kanë ndaluar furgonin me targa dhe aty janë gjetur 34 persona.

“Gjatë realizimin të detyrave dhe autorizimeve ligjore, rreth orës 11:00 kanë ndaluar një furgon të tipit ‘mercedes’ me targa vendore, ku gjatë kontrollit të furgonit brenda tij janë gjetur 34 persona shtetas të huaj, meshkuj të moshës madhore”, tha policia.

Për rastin është njoftuar stacioni kompetent policor në zonën e përgjegjësisë dhe Njësia për Migrim dhe të Huaj në kuadër të PK-së për procedura të mëtejme ligjore.