Kronikë e zezë

I akuzuari për vrasje, Shaban Gogaj, refuzon avokatin e caktuar sipas detyrës zyrtare

 

Shaban Gogaj, i akuzuar për vrasjen e Agonis Tetajt, po refuzon të përfaqësohet nga avokati i caktuar sipas detyrës zyrtare. Sipas Gjykatës në Pejë, kjo ka qenë edhe arsyeja që ka dështuar seanca e fundit, e treta e thirrur vetëm brenda muajit qershor. E për shkak të zvarritjes së procesit, familja e viktimës ka paralajmëruar bojkotimin e seancave

I akuzuari Shaban Gogaj vazhdon të këmbëngulë në kërkesën që të përfaqësohet nga avokati Besnik Berisha, i përjashtuar nga trupi gjykues, një vit më parë.

Gogaj, i cili akuzohet për vrasjen e Agonis Tetajt, refuzon që një avokat tjetër ta përfaqësojë atë në këtë proces gjyqësor. E pikërisht kjo, sipas Tringa Zhutit, zëdhënëse e Gjykatës Themelore në Pejë, ishte arsyeja që seanca e caktuar për këtë të mërkurë të anulohet.