Policia e Kosovës ka njoftuar se ka arrestuar një 24-vjeçar në Mitrovicë nën dyshimin se ai nga vetura e tij ka shtënë me armë në drejtim të veturës së një personi tjetër.

Ngjarja ka ndodhur në mbrëmjen e të martës, ndërsa mësohet se arsye për këtë ishte një zënkë e mëhershme mes të dyshuarit dhe viktimës.

“Në cilësi të provës materiale në vendin e ngjarjes është gjetur një predhë, ndërsa nga i dyshuari është sekuestruar një pistoletë me tetë fishekë. Të dyshuarit me aktvendim të prokurorit i është caktuar masa e ndalimit prej 48 orëve”, ka njoftuar Policia.

Rasti po cilësohet si “shkaktim i rrezikut të përgjithshëm”.