Oficerët korrektues në Qendrën Korrektuese në Dubravë kanë parandaluar të enjten futjen e disa gjësendeve kontrabandë nga familjarët e një të burgosuri.
Në njoftimin e Shërbimit Korrektues, thuhet se familjarët kishin fshehur në tigan dhe tenxhere katër telefona, tri sim-kartela, shtatë mbushës dhe katër USB.
SHKK-ja bën të ditur se janë lokalizuar gjësendet e sjella, ndërsa ndaj të dënuarit është iniciuar procedurë disiplinore, e për familjarin është njoftuar Policia e Kosovës.
“Shërbimi Korrektues i Kosovës çdoherë mbetet i përkushtuar dhe vigjilent në luftimin e dukurive negative dhe kontrabandës në institucione korrektuese”, thuhet në njoftim.
