Policia e Kosovës ka arrestuar të premten tre persona të dyshuar në fshatin Mushtisht të Suharekës, pasi janë kapur në flagrancë duke vjedhur naftë nga rezervuarët e antenave të IPKO-s.
Sipas njoftimit të shtunën, të dyshuarit janë dërguar në mbajtje.
“Janë arrestuar tre të dyshuar meshkuj kosovarë pasi të njëjtit janë zënë në flagrancë duke vjedhur naftë nga rezervarët e antenave të IPKO-s. Me vendim të prokurorit të dyshuarit janë dërguar në mbajtje”, thuhet në njoftimin e Policisë.
