Kronikë

Kosovari në Zvicër raporton se e ka plagosur gruan, policia e gjen atë të vdekur

Descriptive Text

Një kosovar 35-vjeçar i cili jeton në Zvicër ka raportuar të shtunën në qendrën e thirrjeve të urgjencës në St. Gallen se sapo kishte plagosur rëndë gruan e tij.

Siç raporton mediumi zviceran 20.Min.ch, policia e ka gjetur dhe arrestuar burrin por më pas e ka gjetur edhe gruan e tij të vdekur.

Sipas raportit, policia është duke e sqaruar ecurinë e saktë të ngjarjes dhe motivin e saj.

Në momentin e krimit, në banesë ndodheshin edhe tre fëmijët e familjes. Ata nuk kanë pësuar lëndime derisa për ta po përkujdesen familjarët.