Policia e Rajonit të Prishtinës është duke intervistuar persona të ndryshëm lidhur me parregullsi të ndryshme gjatë procesit të sotëm zgjedhor.
Zëdhënësja e Policisë së Kosovës për rajonin e Prishtinës, Flora Ahmeti, ka thënë për KOHËN se çdo informatë për parregullsi po trajtohet nga Policia, mirëpo sipas saj, rast të hapur nuk ka ndaj askujt deri më tani.
“Çdo informatë po trajtohet nga ana e policisë, deri tani nuk ka ndonjë rast të hapur në Rajonin e Prishtinës”, ka thënë Ahmeti.
Rundi i dytë i zgjedhjeve lokale po zhvillohet në 21 komuna të Kosovës. Deri në ora 11:00 dalja në votime e qytetarëve me të drejtë vote ka qenë 7.22%.
14:16- Deri në ora 14:00 asnjë rast i raportuar në polici rreth procesit zgjedhor në Rajonin e Gjakovës
Ecuria e procesit zgjedhor në Rajonin e Gjakovës po rrjedhë pa probleme.
Zëdhënësi i Policisë së Kosovës për Rajonin e Gjakovës, Nysret Gjurkaj ka deklaruar për KOHA në ora 14:00 se nuk ka pasur ndonjë problem të raportuar në polici deri në këtë kohë.
"Situatë e qetë, asnjë rast i raportuar deri tani nga të 3 qytetet, Gjakovë, Rahovec dhe Malishevë, ka theksuar Gjurkaj.
© KOHA. Të gjitha të drejtat janë të rezervuara.
