1 perditesime
Kronikë e zezë

Ndalohet për 48 orë i dyshuari për vrasjen në Podujevë

Ndalohet për 48 orë i dyshuari për vrasjen në Podujevë
13:29

Ndalohet për 48 orë i dyshuari për vrasjen në Podujevë

I dyshuari për vrasjen e 41-vjeçarit në Podujevë është ndaluar për 48 orë, ka bërë të ditur Prokuroria.

Personi me inicialet B.B., dyshohet se viktimën G.B., e ka vrarë me armë zjarri të hënën në ora 08:00.

“Prokurori kujdestar nga Departamenti i Krimeve të Rënda ka dalë në vendin e ngjarjes. Ekipi mjekësor ka konstatuar se një person ka vdekur nga plagët e shkaktuara nga arma e zjarrit. Me aktvendim të prokurorit i dyshuari është ndaluar në kohëzgjatje prej 48 orësh, për shkak të dyshimit se i njëjti ka kryer veprën penale ‘Vrasja e rëndë’. Prokuroria në koordinim me policinë janë duke ndërmarrë të gjitha veprimet e nevojshme hetimore me qëllim të sqarimin të rrethanave të këtij rasti”, thuhet në njoftim.

12:00

Vritet një 41-vjeçar në Gërdovc të Podujevës

Një person është vrarë të hënën në Gërdovc të Podujevës në ora 08:00, ka njoftuar Policia e Kosovës. Vrasjen e ka kryer me armë zjarri i dyshuari B.B., 47-vjeçar, të cilit i është sekuestruar arma dhe është arrestuar më pas.

Vdekjen e 41-vjeçarit G.B., e ka konfirmuar ekipi mjekësor në vendin e ngjarjes.

“Aktualisht hetuesit policor, janë duke punuar për të ndriçuar dhe sqaruar të gjitha rrethanat që kanë të bëjnë me rastin, i cili është cilësuar si Vrasje e rëndë”, i ka thënë KOHËS zëdhënësja e Policisë për rajonin e Prishtinës, Flora Ahmeti.