Kronikë

Arrestohet një person Ferizaj, dyshohet se sulmoi nënën e vet

Është arrestuar një person në Ferizaj në orët e hershme të së enjtes, me dyshime se ka sulmuar nënën e vet.

Policia e Kosovës ka bërë të ditur se 25-vjeçari është arrestuar rreth orës 01:30.

“Policia në orët e hershme të mëngjesit, në ora 01:30 ka pranuar informacion se në një shtëpi banimi në Ferizaj është një rast sulmi. Në lidhje me këtë, Policia ka marrë veprimet e duhura dhe ka dalë në vendin e ngjarjes duke e arrestuar të dyshuarin G.I. (25-vjeçar), i cili për shkak të mosmarrëveshjes kishte sulmuar nënën e tij, duke i shkaktuar lëndime trupore dhe kishte demoluar dhomat e shtëpisë. I dyshuari, pasi është intervistuar nga Policia me vendim të prokurorit, është dërguar në mbajtje për 48 orë, për procedura të mëtejme hetimore”, thuhet në njoftimin e Policisë.