Gjykata Themelore në Prishtinë ka caktuar një muaj paraburgim për pesë të dyshuarit për terrorizëm.
Bëhet fjalë për të dyshuarit A.GJ., E.S., N.S., M.B., SH.K. të cilëve u është caktuar paraburgim për shkak të veprave penale “Përgatitja e veprave terroriste ose veprave penale kundër rendit kushtetues dhe sigurisë së Republikës së Kosovës”, “Kryerja e veprës terroriste”, “Mbajtja në pronësi, kontroll ose posedim të paautorizuar të armëve”, “Importimi, eksportimi, furnizimi, prodhimi, këmbimi, ndërmjetësimi ose shitja e paautorizuar e armëve apo materieve plasëse”.
Gjyqtari i procedurës paraprake kërkesën e prokurorit të shtetit për caktimin e masës së paraburgimit kundër të pandehurve A.GJ., E.S., N.S., M.B., SH.K., e ka aprovuar si të bazuar dhe të njëjtve iu ka caktuar masën e paraburgimit në kohëzgjatje prej një muaji, për secilin veç e veç.
