Gjashtë persona janë lënduar në gjashtë aksidente trafiku, në rrugën nacionale Prishtinë-Pejë, në një distancë prej 1 kilometre.
Policia e Kosovës i ka thënë KOHËS se aksidentet kanë ndodhur në nga ora 16:00 deri në 16:50, në zonën Koreticë-Parku i Biznesit.
“Në dy aksidente janë përfshirë nga tri vetura, kurse në katër aksidente tjera janë të përfshira nga dy vetura”, i ka thënë KOHËS zëdhënësi i Policisë për Prishtinë, Bajram Krasniqi.
Të lënduarit kanë marrë trajtimin mjekësor derisa në vend të ngjarjes kanë dalë njësitet policore.
