Kronikë e zezë

Një muaj paraburgim shtetasit malazez që u arrestua në Gazimestan

 

Gjykata Themelore në Prishtinë i ka caktuar një muaj paraburgim R.J , shtetas i Malit të Zi, i dyshuar për veprën penale “Nxitje e përçarjes dhe e mosdurimit”.

Sipas gjykatës "ekziston dyshimi i bazuar se i pandehuri R.J. ka kryer veprën penale 'Nxitje e përçarjes dhe e mos durimit' pasi që me datën 28.06.2021, rreth orës 14:00 në fshatin Mazgit, Komuna e Obiliqit, respektivisht tek monumenti i 'Gazimestanit', i pandehuri, me dashje dhe planifikim ka nxitur dhe përhapur publikisht urrejtje, përçarje dhe mos durim mes grupeve etnike dhe fetare që jetojnë në territorin e Republikës së Kosovës", thuhet në njoftimin e Gjykatës.