Tre britanikë janë arrestuar në mes të Atlantikut nga policia spanjolle dhe agjentët doganor, pasi një ton kokainë në vlerë më tepër se 80 milionë funte, është zbuluar në një jaht që po lundronte nga Karaibet për në Evropë, raporton Daily Mail.
Autoritetet spanjolle kanë njoftuar se është shkatërruar një zinxhir i trafikimit të drogës i udhëhequr nga një ish-zyrtar i marinës mbretërore.
Robert Mark Benson 64-vjeçar ishte një nga 10 personat e arrestuar muajin e kaluar gjatë bastisjeve në provincat Malaga dhe Cadiz dhe Ceuta në Spanjë, pas kapjes së dy varkave me 1.5 tonë hashash.
Policia spanjolle më herët e kishte përshkruar Bensonin si person me lidhje të forta me organizata kriminale në shtetet si Britani e Madhe e Ukrainë.
Tre nga katër personat që u arrestuan së fundi në një operacion në Oqeanin Atlantik besohet se janë britanikë.
“Është një kapje e madhe e kokainës me vlerë tregu të rrugës prej 80 milionë funte. Nuk kam dyshime se droga në anije ishte e destinuar për rrugët e Britanisë, kështu që kjo kapje ka rezultat të madh”, thotë Dave Hucker, kreu i operacioneve evropiane i Agjencisë Britanike kundër Krimeve.
© KOHA. Të gjitha të drejtat janë të rezervuara.
