Policia është në kërkim të Edon Berishës, i lindur më 13 qershor 1997 në Dubovik të Deçanit, për veprën penale dhunë në familje.
Policia ka lëshuar njoftim duke bërë thirrje që kushdo që ka informacion për vendndodhjen e të dyshuarit, ta lajmërojë Policinë.
“Policia e Kosovës kërkon nga qytetarët e Republikës së Kosovës që kushdo që ka informacion për vendndodhjen e personit të dyshuar në foton e bashkangjitur, të lajmërojë Policinë e Kosovës apo të lajmërohet në stacionin më të afërt policor”, thuhet në njoftim.
