Shërbimi Korrektues i Kosovës ka njoftuar se ka arritur të parandalojë futjen e një sasie të dyshuar narkotike në Qendrën e Paraburgimit në Prishtinë të cilën një i burgosur e kishte fshehur brenda gojës.

Sipas njoftimit, zyrtarët korrektues e kanë parandaluar futjen e kontrabandës duke e gjetur sasinë e dyshuar gjatë pranimit të të burgosurit.

Për rastin është njoftuar Policia e Kosovës dhe janë iniciuar procedurat tjera, ka njoftuar SHKK-ja.

“Shërbimi Korrektues i Kosovës mbetet i përkushtuar në luftimin kontrabandës brenda institucioneve korrektuese dhe asnjëherë nuk do të qëndrojë duarkryq përballë këtyre dukurive negative të cilat rrezikojnë rendin dhe sigurinë e saj”, thuhet në njoftim.