Pesë persona kanë pësuar lëndime si pasojë e një aksidenti trafiku që ka ndodhur sot në udhëkryqin e rrugëve “Ukshin Hoti” e “Robert Doll” në Prishtinë.
Zëdhënësja e Policisë së Kosovës për Rajonin e Prishtinës, Flora Ahmeti, ka thënë për KOHࣿËN se aksidenti ka ndodhur mes dy veturave, rreth orës 10:30.
“Në këtë aksident kanë qenë të përfshira dy automjete. Bazuar në të dhënat fillestare nga vendi i ngjarjes, pesë persona kanë pësuar lendime trupore”, ka thënë Ahmeti.
Me rastin po merret njësiti i trafikit rrugor.
