Dhuna në familje dhe siguria në komunikacionin rrugor kanë qenë temat kryesore të takimit të zhvilluar sot në mes të Drejtorisë Rajonale i Policisë në Ferizaj dhe kryetarit të komunës së Ferizajt Agim Aliu.
Në këtë takim u tha se policia ka nisur të mbajë ligjërata në shkollat e mesme të ulëta të Ferizajt, me temë ‘’Dhuna në familje dhe siguria në komunikacionin rrugor’’.
“Drejtoria Rajonale e Policisë në Ferizaj, përmes këtyre ligjëratave, synon të ngritë vetëdijen tek nxënësit e këtyre shkollave, për dukuritë negative që po e përcjellin shoqërinë tonë” thuhet në njoftimin e policisë në Ferizaj.
