Polici që u gjet i vdekur në Pejë, dyshohet se ka kryer vetëvrasje

Polici i cili është gjetur i vdekur sot në Pejë dyshohet se ka kryer vetëvrasje.

Kështu ka bërë të ditur zëdhënësi i Prokurorisë Themelore në Pejë, Shkodran Nikçi.

Ai ka thënë se trupi i viktimës është dërguar për obduksion në Institutin e Mjekësisë Ligjore.

“Në vend të ngjarjes ka dalë prokurori kujdestar i Departamentit të Krimeve të Rënda, bashkë me njësitë relevante. Dyshohet se i njëjti ka kryer vetëvrasje. Prokurori i Shtetit ka urdhëruar që trupi i pa jetë i viktimës të dërgohet për obduksion në Institutin e Mjekësisë Ligjore në Prishtinë. Derisa ta pranojmë raportin e autopsisë, nuk mund të japim më shumë detaje”, ka thënë Nikçi.

Një polic është gjetur pa shenja jete pasditen e sotme në Pejë.

Lajmin e ka konfirmuar zëdhënësi i Policisë së Kosovës për rajonin e Pejës, Driton Rugova.

“Sot me datë 01/03/2021 në ora 16:20 Policia në Pejë ka pranuar informatën se një zyrtar policorë është gjetur pa shenja jete. Menjëherë njësiti policor ka shkuar në lokacion si dhe janë informuar edhe njësitet tjera relevante për të kryer procedurat tjera të nevojshme”, theksoi ai.

Rugova tha se detaje tjera lidhur me rastin do të bëhen publike pasi të përfundojnë procedurat./EO