Është vetëdorëzuar në Polici i dyshuari për vrasjen e një 23-vjeçari në Mitrovicë më 12 shkurt.
Në mbrëmjen e 12 shkurtit gjatë një përleshje ku janë përfshirë tre persona dhe ku është përdorur edhe arma e zjarrit, ka mbetur i vdekur një person dhe janë lënduar dy tjerë që janë dërguar për tretman në QKUK.
“Më datën 20.02.2021 i dyshuari mashkull kosovar është vetdorëzuar në polici. Në lidhje me rastin është konsultuar prokurori i shtetit i cili për të dyshuarin ka vendosur masën e ndalimit për 48 orë”, ka njoftuar Policia e Kosovës.
