Kronikë e zezë

Caktohet masa e paraburgimit ndaj dy personave me dyshim për dhunim të një të miture

Caktohet masa e paraburgimit ndaj dy personave me dyshim për dhunim të një të miture

Gjykata Themelore e Gjilanit ia ka caktuar masën e paraburgimit prej 30 ditëve dy të pandehurve A.Sh. dhe Q.P., masë që ishte kërkuar nga Prokuroria Themelore në Gjilan, për dyshim të dhunimit të një 15-vjeçare.

“Ekziston dyshimi i bazuar se të pandehurit në bashkëkryerje kanë dhunuar të miturën 15 vjeçare, ndonëse e kanë ditur se e njëjta është e mitur. Me këto veprime të pandehurit dyshohet se kanë kryer veprën penale ‘dhunimi’’ vepër e sanksionuar me Kodin Penal të Republikës së Kosovës (KPRK). Pasi që hetimet janë duke u zhvilluar në drejtim të veprës penale lëndore ndaj të pandehurve, Gjykata ka ardhur në përfundim se të njëjtit po të gjenden në liri, mund të ndikojnë në njëri tjetrin, por edhe në të dëmtuarën e mitur, duke vështirësuar ndriçimin e plotë të gjendjes faktike. Andaj, gjyqtari i procedurës paraprake në Departamentin e Krimeve të Rënda, pas mbajtjes së seancës dëgjimore, ka konsideruar se janë përmbushur kushtet ligjore për caktimin e masës së paraburgimit ndaj të pandehurve, pasi që është marr për bazë edhe pesha e veprës penale”, është njoftuar nga Gjykata Themelore e Gjilanit.