Kronikë

Policia në Gjilan arreston dy të dyshuar për vjedhje të shufrave të bakrit

Policia Rajonale e Gjilanit ka njoftuar se në sot në ora 01:25 ka arrestuar dy persona të dyshuar për vjedhje.

Ata dyshohet se kanë vjedhur shufra bakri nga trafo-stacionet e rrymës në ish-fabrikën e pllakave “Karaqeva”.

Personat I.SH. (1987) dhe B.S. (1979), dy shtetas shqipëtarë të Kosovës me banim në Fushë Kosovë, fillimisht nuk ishte ndalur në urdhrat e policisë për t’u ndalur, pasi ishte vërejtur në fshatin Berivojcë të Kamenicës.

Ata kishin filluar të lëviznin në drejtim të Gjilanit.

“Menjëherë janë ndërmarrë veprime për ta ndalë veturën e dyshimtë dhe me ndihmë të një patrulle të Trafikut Rajonal të Gjilanit vetura është arritur të ndalet në fshatin Përlepnicë të Gjilanit”, thuhet në njoftimin. Në automjetin që ata drejtonin gjatë kontrollit janë gjetur 32 shufra të bakrit të dimensioneve të ndryshme me peshë 120 kilogramë, që dyshohet se janë vjedhur në trafo-stacionet e rrymës elektrike në ish fabrikën e pllakave XIQ ‘’Karaqeva ‘’ në fshatin Berivojcë komuna Kamenicë , vlera e dëmit të shkaktuar vlerësohet të jetë e konsiderueshme sipas pronarit. Sendet e gjetura janë konfiskuar nga ana e hetuesve policor në cilësi të provave materiale për gjykatë. Të arrestuarit janë dërguar në mbajtje për 48 orë”, thuhet në njoftimin e Policisë Rajonale të Gjilanit.