Dy telefona e një mbushës janë gjetur në një nga qelitë e Qendrës së Paraburgimit në Prizren.
Siç ka njoftuar Shërbimi Korrektues i Kosovës, plani për bastisje ka ardhur pas një informacioni konfidencial.
“Me të pranuar informacionin oficeret korrektues, në vazhdimësi të Planit Operativ për bastisje të qëllimta, bazuar në informatën konfidenciale të pranuar, prej orës 21:50 – 22:20 është bërë një bastisje e dhomës B1, në të cilën ishin të vendosur katër të paraburgosur. Bastisja ka rezultuar pozitive, në komodinën plastike në një pjesë të kamufluar janë gjetur dy telefona mobil të tipit Iphone 5 dhe një karikues”, thuhet në njoftim.
SHKK-ja njofton se pas intervistimit të të paraburgosurve të kësaj dhome, të njëjtit janë veçuar deri në hetimin e rastit, si dhe janë iniciuar procedura disiplinore ndaj tyre.
