Nis realizimi i fazës së parë të projektit të Lumëbardhit

Dy vjet pas shpalljes së tenderit të parë në fund të muajit mars 2015, ka nisur realizimi i projektit për ndërtimin e murit mbrojtës të Lumëbardhit dhe shëtitores përgjatë tij, shkruan sot Koha Ditore.

Procedurat maratonike të këtij tenderi kanë zgjatur 18 muaj, deri në muajin nëntor të vjetëm, kur është kontraktuar operatori. Punimet në vlerë prej 883 mijë eurosh, sa është shuma e kontraktuar me operatorin për fazën e parë të projektit, do të realizohen prej Patrikanës e deri te vendi i quajtur Ura e Gegajve.