Kosovë

“Pastrimi” vazhdon ta vonojë mbledhjen e mbeturinave në Podujevë

 

Kompania Rajonale “Pastrimi”, njësia në Podujevë, është duke e vonuar mbledhjen dhe bartjen e mbeturinave edhe gjatë muajit tetor. Megjithëse, zyrtarët e saj në muajin shtator kanë thënë se ky problem është evituar pas sanimit të defekteve në mekanizëm, vonesa ka pasur edhe në javën e parë të tetorit.

KOHA ka raportuar se “Pastrimi” nuk është duke e kryer me kohë mbledhjen dhe bartjen e mbeturinave në Komunën e Podujevës. Të pakënaqur me shërbimet e kësaj kompanie ishin shprehur edhe zyrtarët komunalë dhe nga shoqëria civile.