Muharremaj: Institucionet duhet të mendojnë zgjidhjen e situatës së rrymës

Kryetari i Suharekës, Bali Muharremaj, ka folur për krizën e energjisë elektrike. Muharremaj ka thënë se institucionet duhet menduar për të gjetur një zgjidhje për situatën e vështirë.

“Pa energji elektrike Komuna e Suharekës po edhe e tërë Kosova, do ta ketë të vështirë përballjen me reduktime. Jo vetëm amvisëria por edhe bizneset e kanë të pamundur të funksionojnë, me mungesën e energjisë elektrike. Ardhja e mërgimtarëve dhe festat e fundvitit, janë edhe një arsye shtesë që kjo çështje është dashur të mendohet më herët. Institucionet përkatëse duhet ta mendojnë me urgjencë, zgjidhjen e kësaj situate të vështirë. Justifikimi nuk është gjithmonë zgjidhja e duhur, andaj edhe unë si qytetar, por edhe si kryetar komune, kërkoj që ta gjeni zgjidhjen e duhur për qytetarët”, ka shkruar Muharremaj në Facebook.