Degradim urban, mungesë e hapësirave gjelbëruese, e pa mundësi për zgjerimin e rrugëve që ju përshtaten ndërtimeve të larta, janë disa nga akuzat më të mëdha që po bëhen në drejtim të Planit Zhvillimor të Komunës së Ferizajt.

Drejtori ekzekutiv i rrjetit të OJQ-ve “AVONET”, Kenan Gashi, thotë se përkundër thirrjeve të shumta, ndërtimet pa asnjë kriter po vazhdojnë në këtë komunë.

“Siç dihet Ferizaj njihet për një degradim urban, dhe kjo ka ardhur si një keqqeverisje që kanë bërë pushtetet komunale, duke filluar që nga vitet 2005, sidomos qeverisjet e fundit kanë qenë njëri prej shkaktarëve kryesorë të jetës urbane duke mos krijuar politikë të favorshme në interes publik, dhe ka shkaktuar një çrregullim total e ka krijuar një kaos urban, duke mos u dhënë mundësi qytetarëve dhe bizneseve për planifikimin e urbanizmit”, ka thënë ai.

Problemi po rëndohet edhe më shumë në mungesë të hartimit të Planit të Mobilitetit.

Sipas Institutit GAP, në këtë komunë janë të evidentuara 32,721 ndërtime pa leje.

Përveç betonizimit, banorët e Ferizajt kanë probleme me kushtet elementare për jetesë. Në fshatin Dardania të Ferizajt, problem kryesor i banorëve është mungesa e ujit të pijshëm dhe kanalizimit. Për nevoja ditore sigurojnë ujin nga puset e hapura në mënyrë vetanake. Me kove e me sisteme hidroforike marrin çdo ditë ujin të cilin e përdorin edhe për pije, megjithëse sipas banorëve, cilësia e tij nuk është e mirë.

Sigurimin e ujit e bëjnë nga lumi i fshatit, i cili ka ndaluar rrjedhën këtu, për shkak të puseve të hapura nga banorët.

tjetër edhe mosfunksionimi i sistemit të kanalizimit, i cili ka një vit që është instaluar në këtë rrethinë.