Deri tani, në Qendrën e Vaksinimit në Malishevë janë administruar 25 mijë vaksina anti-COVID dhe janë vaksinuar 32 për qind e të planifikuarëve, ka njoftuar shefi i Shërbimit të Vaksinimit në QKMF-në e Malishevës, Shkëlzen Sahitaj.
Ai ka thënë për KOHËN se në Qendrën e Vaksinimit ka vaksina të mjaftueshme, si dhe ka interesim të duhur për vaksinim.
Ekipet e vaksinimit tani po punojnë edhe të dielave dhe sipas Sahitajt do të vazhdojë deri më 10 tetor, sipas vendimit të Ministrisë së Shëndetësisë.
