Kosovë

QKMF-ja në Ferizaj furnizohet me 880 vaksina AstraZeneca dhe 130 Pfizer, nis vaksinimin për moshat 65 vjeç

Foto: KOHA
 

Qendra Kryesore e Mjekësisë Familjare në Ferizaj është furnizuar me gjithsejtë 880 doza të vaksinës “AstraZeneca” dhe 130 doza me vaksinën “Pfizer”. Ky kontingjent është dedikuar për moshat mbi 65 vjeç dhe që nga mëngjesi i së premtes ka nisur procesi i dhënies së vaksinave.

Drejtoresha e Qendrës Kryesore të Mjekësisë Familjare në Ferizaj Nadire Ymeri, ka thënë për KOHEN se ky kontingjent nuk mjafton duke e ditur se Ferizaj është një ndër komunat më të mëdha dhe me numër të madh të të moshuarve mbi 65 vjeç. Sipas saj që nga mëngjesi janë shpenzuar rreth 300 vaksina derisa kërkesat janë të mëdha.