Kosovë

Vizitorët kërkojnë nga Komuna e Podujevës pastrimin e parkut nga drunjtë e rrëzuar

Vizitorët kërkojnë nga Komuna e Podujevës pastrimin e parkut nga drunjtë e rrëzuar
 

Komunarët e Podujevës janë kritikuar nga vizitorët për mospastrimin e Parkut të paqes “Manchaster” nga drunjtë e rrëzuar. Ata kanë thënë se janë bërë afro katër muaj prej se janë rrëzuar shumë drunj në këtë park, por që deri tash askush nuk i ka hequr nga aty. Shtatëdhjetëvjeçari Tahir Potoku, ka shprehur vullnetin që edhe vetë të marrë pjesë në pastrimin e këtij parku nëse do ta ftonte dikush.

“Me pas kush, është dashtë jo veç këta drunj që janë rrëzuar, po edhe ata tjerët që janë tharë është dashtë me i heq edhe me e pastru parkun. Këta drunj kanë mundur t’ia japin ndonjë fukaraje ose edhe shkollave, në vend se me i ble. Me pas qenë mali im nuk e kisha lënë kështu. Po na i vret sytë qysh ka mbetur kështu. 70 vjet i kam, po me më pas thirr, kisha me dalë me punu këtu edhe mos me lanë kështu parkun se nuk është në rregull”, ka thënë ai.