Kosovë

Shtimja ngre monumentin UÇK

Shtimja ngre monumentin UÇK
 

Komuna e Shtimes ka përkrahur financiarisht ndërtimin e një monumenti të Ushtrisë Çlirimtare të Kosovës në fshatin Pjetershticë. Ky projekt kishte filluar nga një iniciativë vullnetare, nga shoqatat e dala nga lufta dhe nga ish-batalioni i dytë “Ruzhdi Salihu”. Këto tri shkronjat të monumentit “UÇK” janë vendosur në pjesën e epërme të fshatit Pjetershticë, përballë kazermës së këtij batalioni. Në këtë pjesë malore, në të ardhmen Komuna e Shtimes ka planifikuar të ndërtojë edhe një park për rekreacion të banorëve.

Ramiz Qeriqi, ish-komandant i Batalionit të dytë “Ruzhdi Salihu”, ka thënë për KOHËN se së bashku me iniciativën dhe komunën kanë ndërtuar këtë monument i cili ka për qëllim ruajtjen e vlerave të luftës.