Kosovë

PDK-ja kritikon komunën e Fushë-Kosovës për moszgjidhje të problemit me vërshimet

PDK-ja kritikon komunën e Fushë-Kosovës për moszgjidhje të problemit me vërshimet
 

Zyrtarët e Degës së PDK-së në Fushë-Kosovë kanë kritikuar komunarët për neglizhencë dhe papërgjegjësi për të zgjidhur problemin e vërshimeve të ujit në një lagje në fshatin Bresje, afër objektit të ri të administratës. Ata kanë thënë se banorët e kësaj pjese ballafaqohen me këtë problem për më shumë se 10 vjet.

“Dega e PDK-së në Fushë-Kosovë ka reaguar sot në lidhje me gjendjen e krijuar në Fushë- Kosovë si pasojë e reshjeve të shiut, përkatësisht lidhur me gjendjen në lagjen Bresje, ku ekziston një problem i kahershëm në këtë pjesë për shkak të bllokimit të kanalizimit. Ujërat e zeza dalin në sipërfaqe e në këtë kohë me reshje shiu situata është bërë dramatike. Uji i shiut me ato të ujërave të zeza ka vërshuar në rrugën krejt afër objektit të komunës”, thuhet në komunikatë.