Kryetari i komunës së Vushtrrisë, Xhafer Tahiri, e ka parë të padrejtë projektbuxhetin e vitit 2021 për këtë komunë.
Ai thotë se “për ta ndrequr sado pas këtë padrejtësi ndaj Vushtrrisë” i ka propozuar pesë amandamente në Komisionin për Buxhet dhe Financa, teksa shton se të gjitha kërkesat i kanë dërguar me kohë “por janë injoruar nga ministritë e linjës”.
Në Facebook, Xhaferi ka shkruar se projektet e kërkuara janë jetike për komunën e tij dhe se fton deputetët t’i përkrahin.
Amandamentet e propozuara nga Xhaferi për projektet:
1. Zgjerimi i rrugës magjistrale Nedakovc-Vushtrri
2. Rritja në 1 milion e mjeteve buxhetore për projektin e rregullimit te shtratit të lumit Silnica (sipas Memorandumit të nënshkruar në mes të Komunës dhe MEA)
3. Përfshirja në Ligjin e Buxhetit të projektit të Unazës së poshtme të Vushtrrisë
4. Rregullimi i parkut rekreacional “Taraxha”
5. Ndërtimi i rrugëve në fshatrat e Vushtrrisë: Skoqen, Samadrexhë-Dumnicë, Sllakoc-Kurillovë dhe rrugëve lokale në qytet.
Më 64 vota për, Kuvendi i Kosovës të hënën ka miratuar në parim Projektligjin për buxhetin për vitin 2021.
© KOHA. Të gjitha të drejtat janë të rezervuara.
