Kosovë

Graçanica ndan rreth 300 mijë euro për OJQ-të “e afërta”

Graçanica ndan rreth 300 mijë euro për OJQ-të “e afërta”
 

Organizatat joqeveritare, shumica e të cilave janë të afërta me pushtetin lokal në Graçanicë e cila funksionon sipas sistemit të Kosovës, kanë marrë rreth 300 mijë euro mbështetje financiare për projektet me qëllim të parandalimit të përhapjes dhe zbutjes së pasojave të shkaktuara nga pandemia e koronavirusit.

Kuvendi i kësaj komune me shumicë serbe, më 25 nëntor, në bazë të propozimit të kryetarit të Komunës së Graçanicës, Sërgjan Popoviq, ka miratuar vendimin për ndarjen e shumës prej 284.985 euro për 14 organizata joqeveritare, të cilat kishin aplikuar më parë në një thirrje publike të publikuar në 12 tetor. Popoviq është kryetar komune nga radhët e Listës Serbe, i cili është subjekti i vetëm politik që përfaqëson komunitetin serb në Kuvendin e Kosovës.