Arbëri

Në Obiliq vendosen kamerat e sigurisë

Kryetari i Komunës së Obiliqit, Xhafer Gashi, së bashku me komandantin Sejdi Zeqiri në Stacionin Policor në Obiliq, kanë mirëpritur në takim ushtruesin e detyrës së drejtorit të përgjithshëm të Policisë së Kosovës, Samedin Mehmeti, i cili ishte i shoqëruar nga drejtori i Divizionit për Siguri Publike, Gazmend Hoxha dhe drejtori i Drejtorisë Rajonale, Fehmi Hoti, me ç’rast kanë diskutuar për situatën e përgjithshme të sigurisë në Komunën e Obiliqit.

Në këtë takim, Gashi vlerësoi lart bashkëpunimin e jashtëzakonshëm institucional mes Komunës dhe Stacionit Policor të Obiliqit.

Ai në këtë takim ka njoftuar për projektin e vendosjes së kamerave të sigurisë në qytetin e Obiliqit. Sipas tij, ky projekt është investim komunal, ndërsa mbikëqyrja e tyre do të bëhet nga Stacioni Policor i Obiliqit.