Kosovë

Shumë fermerë nuk i shitën kurbanet e Bajramit, shkak janë rregullat e caktuara nga AUVK

Avni Gashi nga fshati Dobërdol i Podujevës nuk ka arritur t’i shesë të enjten të gjithë kurbanet që i kishte sjellë në hapësirën e ish-tregut të kafshëve në Prishtinë. Vendimi i Qeverisë me masat e reja ka bërë që shitja e kurbaneve të mos lejohet në vende publike. Inspektorët sanitarë, me ndihmë të Policisë kishin ndërmarrë aksion të enjten për t’i larguar këta shitës.

Në anën tjetër, zyrtarët e Agjencisë së ushqimit dhe Veterinarisë kanë thënë se nuk është ndaluar shitja dhe therja e kurbaneve. Por, sipas tyre, shitja duhet të bëhet vetëm në fermë, kurse therja në thertoret e licencuara.