Kosovë

Nisma akuzon DKA-në se regjistrimi i fëmijëve ka nisur pa u përzgjedhur stafi i çerdhes publike në Prizren

Nisma akuzon DKA-në se regjistrimi i fëmijëve ka nisur pa u përzgjedhur stafi i çerdhes publike në Prizren
 

Komuna e Prizrenit ka njoftuar se nga dita e mërkurë nis regjistrimi i fëmijëve në çerdhen publike në lagjen “11 Marsi”, pranë shkollës fillore “Lekë Dukagjini”. Në këtë njoftim është theksuar se kjo çerdhe do të ketë edhe staf profesional për ofrimin e shërbimeve përkatëse. Mirëpo, lidhur me këtë çështje ka reaguar partia opozitare Nisma Socialdemokrate, duke shprehur qëndrimin se Drejtoria Komunale e Arsimit ka filluar regjistrimin e fëmijëve në çerdhen publike të porsandërtuar pa e përzgjedhur stafin. Ndërkaq, DKA-ja gjatë ditës ka publikuar konkursin për vendet e lira të punës në institucionin publik parashkollor në lagjen “11 Marsi”.

Fillimisht, Komuna e Prizrenit përmes komunikatës ka bërë të ditur se në këtë çerdhe publike do të mund të regjistrohen 160 fëmijë të moshës 3 deri në 6 vjeç, përkatësisht 120 fëmijë në gjuhën shqipe, 20 në gjuhën boshnjake dhe 20 në gjuhën turke, raporton KOHA.