Kosovë

Podujeva përballet sërish me të infektuar, s’ka mjaftueshëm teste

Dikur e kishte mundur pandeminë, por tani Komuna e Podujevës numëron 46 raste aktive dhe 5 vdekje nga koronavirusi. Zyrtarët shëndetësorë në këtë komunë kanë thënë se nga 1 qershori ka filluar të rritet numri i personave që janë prekur nga koronavirusi. Vetëm brenda dy ditëve të fundit pozitivë rezultuan 15 persona. Ndërsa edhe pse testimet tash bëhen në Qendrën Kryesore të Mjekësisë Familjare në Podujevë, epidemiologia Bedrie Rama është ankuar se rezultatet vonohen. Sipas saj, mesatarisht i testojnë 15 persona në ditë, ndërsa kanë kapacitete t’i kryejnë deri në 40.

Rama, mes të tjerash, është ankuar se Klinika Infektive nuk jep të dhëna për rastet e vdekjeve, dhe se në disa raste për të vdekurit kanë kuptuar nga mediat apo familjarët e tyre.