Arbëri

Rreth 70 qytetarë protestuan në Glloboçicë, kërkuan hapjen e pikës kufitare

Foto: Koha / ilustrim

Rreth 70 qytetarë kanë protestuar të martën në fshatin Glloboçicë në Kaçanik, ku kanë shprehur pakënaqësinë e tyre lidhur me mos hapjen e pikës kufitare me Maqedoninë e Veriut që gjendet në këtë vend, është njoftuar në raportin e policisë.

Protesta ka filluar rreth orës 14:00 dhe ka zgjatur 35 minuta.

“Rreth shtatëdhjetë (70) qytetarë kanë protestuar afër pikës kufitare në Glloboçicë, ata kanë shprehur pakënaqësitë e tyre lidhur me mos hapjen e kësaj pike kufitare. Protesta ka përfunduar rreth orës 14:35 çdo gjë ka qenë në rregull”, është shkruar në raportin e policisë.