Kosovë

Në Prizren bizneset kërkojnë t’u lejohet organizimi i dasmave

Vendimi i Kuvendit të Komunës së Prizrenit për lirimin e bizneseve nga taksa komunale, nga pagesa e qirasë për lokalet që janë pronë komunale dhe nga pagesa për shfrytëzimin e hapësirës publike për 6 muaj për shkak të pandemisë COVID-19, është mirëpritur nga bizneset e Prizrenit.

“Duke ditur që pandemia ka goditur ekonominë në Kosovë dhe në gjithë globin, Komuna e Prizrenit ka marrë një vendim që është sadopak lehtësues për bizneset dhe afaristët prizrenas për lirimin e taksave komunale, për lirimin e qirave dhe hapësirës komunale, për gjashtë muaj. Është një vendim i duhur”, ka thënë Varis Xhejlani nga “Esnaf”.