Kosovë

Shoqëria civile kërkon që të luftohet nepotizmi në Komunën e Shtimes

Shoqëria civile kërkon që të luftohet nepotizmi në Komunën e Shtimes

Ekzekutivi i Komunës së Shtimes i udhëhequr nga kryetari Naim Ismajli ka nisur të bëjë riformatimin e stafit politik. Në mbledhjen e Bordit të ekzekutivit të martën janë emëruar dy drejtor të rinj, përkatësisht në Drejtorinë e Shërbimeve Publike dhe atë të Shëndetësisë dhe Mirëqenies Sociale. Dy drejtorët e mëhershëm kanë dhënë dorëheqje.

Por përfaqësues të shoqërisë civile, që monitoron zhvillimet në institucionet publike në Shtime, kanë kërkuar që të bëhet riformatim më i thellë brenda Komunës. Sipas OJQ-ve, riformatimi është i nevojshëm për të eliminuar fenomenin e familjarizmit në institucione dhe për të “freskuar” qeverisjen me kuadro të reja, raporton KOHA.