Arbëri

Inspektoriati i Komunës liron dy prona publike të uzurpuara në Vushtrri

Drejtoria e Inspeksionit e Komunës së Vushtrrisë në bashkëpunim me Policinë e Kosovës dhe Kompaninë “KRU UNITETI” vazhdon me rrënimin e objekteve pa leje dhe lirimin e pronave publike të uzurpuara, bëhet e ditur përmes një komunikate për media.

Inspektoriati i Komunës, sot ka liruar dy prona publike të uzurpuara në Rrugën “Gjergj Kastrioti” dhe në Rrugën “Lumni Surdulli” në Vushtrri, transmeton Koha.net.

Andaj në këtë rast, Drejtoria e Inspeksionit ju bën thirrje të gjithë qytetarëve të Komunës së Vushtrrisë që të bashkëpunojnë dhe të njoftojnë për çdo aktivitet të jashtë ligjshëm, në mënyrë që të ketë rend dhe ligj.