Për gjashtë muaj, 30 ton mbeturina të riciklueshme më pak në Vushtrri e Prishtinë

Për gjashtë muaj, 30 ton mbeturina të riciklueshme më pak në Vushtrri e Prishtinë

07 November 2019 16:23

Green Art Center-Prishtina (GAC) në kuadër të kampanjës “ Ruje mos e Gjuj”, kampanjë kjo që financohet prej Coca Cola HBC dhe implementohet në partneritet me MMPH-në, komunat përkatëse dhe disa institucione publike dhe private në Kosovë, shihet të jetë treguar e suksesshme duke raportuar se janë mbledhur mbi 30 tonë mbeturinë e riciklueshme (plastikë dhe alumin) gjatë kësaj periudhe 6 mujore të implementimit të ndarjes së mbeturinave të riciklueshme në disa institucione universitare në Prishtinë dhe në 500 amvisëri në Vushtrri.

Zyrtarët e GAC, raportojnë se përkundër faktit se ky proces i ndarjes në burim po përballet me sfida kryesisht në institucionet universitare ku shpeshherë mbeturinat po përzihen, në pjesën tjetër të akterëve që janë pjesë e këtij projekti ndarja e mbeturinës së riciklueshme po realizohet shumë mirë prej anës së qytetarëve.

Kjo kampanjë i bashkëngjitet aktiviteteve të GAC si organizatë e cila tashmë me përkrahjen e donatorëve të ndryshëm po arrin të shtrijë skemën e riciklimit të mbeturinave në disa komuna pilote në Kosovë.

Kësisoj, ky proces i rëndësishëm për zvogëlimin e sasisë së mbeturinave që shkojnë në deponi, po përballet me sfida të shumta ku përpos vetëdijes qytetare, krijimit të parakushteve për ofrimin e infrastrukturës për ndarje ne burim, duhet të analizohet dhe sigurohet tregu i grumbulluesve të mbeturinave të riciklueshme, mundësia e tyre në përfshirje në sistem, dhe ku paraprakisht të krijohen mundësi për grumbullimin dhe trajtimin e mbeturinave të riciklueshme me qëllim që sistemi të jetë i qëndrueshëm.

Urojmë që ky model i mirëfilltë i organizimit të skemës për riciklim të shtrihet në nivel vendi duke u përkrahur edhe prej nivelit qendror, duke reduktuar në këtë mënyrë sasinë e mbeturinave që deponohen si edhe duke i dhënë zhvillim ekonomisë qarkore në nivel vendi.

© KOHA. Të gjitha të drejtat janë të rezervuara.

Komentet

Shto koment

Të ngjashme