Fillon hapja e rrugës Ngucat-Javor

Fillon hapja e rrugës Ngucat-Javor

06 November 2019 10:14

Komuna e Malishevës përmes një kumtese për media njofton se ka filluar hapja dhe rregullimi i rrugës që lidhë fshatin Ngucat të Komunës së Malishevës, me fshatin Javor të Komunës së Suharekës, e gjatë 1680 metra.

“Punimet në hapjen e kësaj rruge, sot i kanë nga afër nënkryetari i Komunës së Malishevës, Hajdin Berisha dhe shefi i Drejtorisë së Shërbimeve publike, Fadil Shala, të cilët janë njoftuar me ecurinë e punimeve”, thuhet në njoftimin e komunës.

“Kjo rrugë ka qenë kërkesë e vazhdueshme e banorëve të dy fshatrave, sepse ka rëndësi të madhe për ta, dhe falë bashkëpunimit të mirë në mes të dy komunave dhe Ministrisë së Infrastrukturës, është mundësuar hapja dhe rregullimi i tërësishëm i kësaj rruge, dhe përveç lidhjes në mes të dy fshatrave, krijohet edhe një lidhje e re rrugore në mes të dy komunave, në pjesën e fshatrave që shtrihen në vargmalet e Berishës”, tha me këtë rast nënkryetari i Komunës së Malishevës, Hajdin Berisha.

Rruga e gjatë 1680 metra, e që lidhë dy fshatra të thella malore, është mundësuar nga Ministria e Infrastrukturës.

© KOHA. Të gjitha të drejtat janë të rezervuara.

Komentet

Shto koment

Të ngjashme