Kosovë

Aktakuzë ndaj kryetarit të Klinës për punësimin e vajzës në QKMF

Aktakuzë ndaj kryetarit të Klinës për punësimin e vajzës në QKMF

Prokuroria Themelore në Pejë ka ngritur aktakuzë ndaj kryetarit të Komunës së Klinës, Zenun Elezaj, me dyshimet e kryerjes së veprës penale të konfliktit të interesit. Zëdhënësi i Prokurorisë Themelore në Pejë, Shkodran Nikçi, duke e konfirmuar atë aktakuzë, ka thënë se ajo është ngritur lidhur me punësimin e vajzës së Elezajt në Qendrën Kryesore të Mjekësisë Familjare “Nëna Terezë” në Klinë.

Më tepër të dhëna për këtë aktakuzë kjo prokurori nuk ka dhënë. Për aktakuzën e ngritur ndaj tij, “Koha Ditore” ka tentuar ta kontaktojë kryetarin e Klinës, Zenun Elezaj, por ai nuk ka qenë i qasshëm, shkruan sot Koha Ditore.