Banorët e Kaçanikut të Vjetër në hall me kanalizimin e fshatit fqinj, Begracës

Luljeta Beselica Luljeta Beselica 20 October 2019 21:22

Më herët ka qenë burim i ujit të pijshëm, por ka dy vjet që në këtë përroskë derdhen ujërat e zeza të fshatit Begracë.

Banorët e fshatit fqinj, Kaçanik i Vjetër, thonë se kanë kërkuar nga komuna që rrjeti i ujërave të zeza të fshatrave përreth të mos kalojë nga pronat e tyre, megjithatë, sipas tyre, një gjë e tillë nuk është marrë parasysh, raporton KTV.

Andaj, projekti ka mbetur në gjysmë pasi ata nuk po lejojnë që ky fshat të kyçet në rrjetin e ujërave të zeza të fshatit Kaçanik i Vjetër.

Banorët thonë se në temperatura të larta, lumi Nerodime kundërmon.

Por, kryetari i Komunës së Kaçanikut, Besim Ilazi, thotë se këta banorë janë vetë fajtorë pse këto ujëra të zeza derdhen nëpër prona të tyre dhe në lumin Nerodime, pasi që ata nuk kanë pranuar të bashkëpunojnë.

Ilazi shtoi se me këtë problem do të ballafaqohen banorët e Kaçanikut të Vjetër, derisa të bashkëpunojnë me komunën.

© KOHA. Të gjitha të drejtat janë të rezervuara.

Komentet

Shto koment

Të ngjashme