Afro 30 për qind e Deçanit në sistemin e menaxhimit të mbeturinave

Komuna e Deçanit në fillim të marsit të vitit të kaluar ka nënshkruar me organizatën gjermane GIZ memorandumin e bashkëpunimit për menaxhimin e mbeturinave, hartimin e rregulloreve për mbeturina dhe ngritjen e kapaciteteve menaxhuese të Komunës për menaxhimin e mbeturinave.

Sivjet me shërbime për bartjen e mbeturinave, kompania “Higjiena” mbulon më pak se 30 për qind të territorit të Komunës së Deçanit. Aktualisht, siç thonë në Komunë, ky shërbim është zgjeruar në më shumë se gjysmën e territorit të kësaj komune, shkruan sot Koha Ditore.