Kosovë

Pasaporta e imunizimit, kusht për regjistrimin e nxënësve në klasën e parë në Prizren

Pasaporta e imunizimit, kusht për regjistrimin e nxënësve në klasën e parë në Prizren
 

Drejtoria e Shëndetësisë dhe ajo e Arsimit në Komunën e Prizrenit, të martën, kanë lidhur marrëveshje të bashkëpunimit për pajisjen e fëmijëve me pasaportën e imunizimit, e cila në të njëjtën kohë do të shërbejë si njëri prej kritereve për regjistrimin e nxënësve në klasën e parë të shkollës fillore.

Zyrtarë të lartë të ekzekutivit komunal kanë theksuar se kjo nismë realizohet me qëllim të rritjes së përqindjes së fëmijëve të vaksinuar me kohë. Sipas tyre, inicimi i marrëveshjes realizohet në kuadër të Javës botërore të imunizimit, pa ndonjë ngarkesë shtesë për buxhetin komunal.