Arbëri

Tre muaj kohë Komisionit për finalizimin e riemërtimit të rrugëve në Ferizaj

Foto: Koha

Komuna e Ferizajt ka formuar një komision të ri të përbërë prej 7 anëtarëve nga të gjitha subjektet politike, me qëllim të identifikimit të defekteve nëpër emërtime të rrugëve derisa në dhjetëra fshatra banorët si shenjë pakënaqësie i kanë hequr tabelat e rrugëve, shkruan sot “Koha Ditore”.

Ky komision ka marrë detyra të reja edhe nga Kuvendi Komunal në mënyrë që puna e tyre të përfundojë për 3 muaj. Emërtimet si: “Rruga e varrezave”, “Loti i fundit”, pastaj edhe emërtimet me emra të fëmijëve dhe me emra të papëlqyer nga banorët do të zëvendësohen me emra të rinj.

Telashe më të mëdha janë paraqitur në fshatin Tërn, Koshare, Lloshkobarë, Slivovë, Varosh dhe në disa lagje të qytetit, andaj banorët po vazhdojnë t’i kundërshtojnë emërtimet e rrugëve të cilat janë vendosur gjatë vitit 2015 me vendim të Komunës.

Për ndryshimin e emërtimit të rrugëve në Komunën e Ferizajt janë deponuar disa peticione dhe mbi 500 ankesa nga vetë qytetarët.

(Artikullin e plotë mund ta lexoni sot në “Koha Ditore”)