Kosovë

Rugovasit kërkojnë riparimin e rrugës Pejë-Kuqishtë

Rugovasit kërkojnë riparimin e rrugës Pejë-Kuqishtë
 

Banorët e trevës së Rugovës prej disa vjetësh po kërkojnë riparimin e rrugës Pejë- Kuqishtë, porse pushteti ende nuk e ka bërë asnjë intervenim.

“Kjo rrugë ka rëndësi jetësore për zhvillimin e kësaj treve. Prandaj prioritet për neve si banorë është rindërtimi dhe zgjerimi i rrugës nga Peja deri në Kuqishtë. Kështu si është dhe nëse nuk rindërtohet, po humb koha, turizmi, durimi, zhvillimi...”, përcjell ankesat e bashkëqytetarëve të tij Agron Nikçi, kryetari i njërës prej dy bashkësive territoriale në Rugovë. Problem tjetër pse rugovasit kërkojnë gjithsesi rindërtimin e kësaj rruge nga themeli i saj, është edhe rrezikshmëria e shtuar për jetën e qytetarëve nga rrëshqitja e dheut dhe gurëve, transmeton Koha Ditore.